ANPA

Ben-Cho-Shey


ESCOLA DE NAIS E PAIS POLA IGUALDADE DE XÉNERO 2022

Voltamos a compartir a información coa data xa modificada. Animádevos a participar!!! Só tedes que cubir o formulario que aparece ó final da publicación.

PARA INSCRIBIRTE PREME NO SEGUINTE FORMULARIO. RECORDA SELECCIONAR: 01 decembro. ANPA CEIP BEN-CHO-SHEY (O PEREIRO DE AGUIAR). 16h.

25N DÍA INTERNACIONAL DA ELIMINACIÓN DA VIOLENCIA CONTRA A MULLER

Hoxe 25 de novembro, DÍA INTERNACIONAL DA ELIMINACIÓN DA VIOLENCIA CONTRA A MULLER, dende a ANPA Ben Cho Shey, queremos apoiar a loita das mulleres contra a violencia que desgraciadamente segue presente. Preferiríamos non ter que celebrar este día, pero mentres a problemática siga latente teremos que seguir loitando.

Voltamos a compartir este vídeo do ano pasado xa que, por desgracia, seguimos igual.

Recordade, ademáis, que hoxe pola tarde ás 18.30 haberá un ESPECTÁCULO no salón de actos. Agardámosvos!!!


Proxecto Construíndo Igualdade

Estimadas familias. Como sabedes, nestes meses estamos levando a cabo no noso cole, o proxecto “Construíndo Igualdade“, unha actividade coordinada pola Anpa e subvencionada e aprobada pola Secretaría de igualdade da Xunta de Galicia, que se realiza en horario lectivo para todo o alumnado do Ben-Cho-Shey.

Está semana, tócalle o turno ás crianzas máis pequena (4º, 5º e 6º de educación infantil) e aos primeiros cursos de primaria (1º, 2º, 3º e 4º de educación primaria). Os obradoiros serán impartidos por Hadriana Ordóñez, psicóloga e sexóloga.

Para as meniñas e meniños de infantil a actividade desenvolverase en 3 obradoiros:

  • Obradorio 1: Como son as sexualidades dos nenos e nenas?
  • Obradorio 2: Como se nomea o noso corpo? Para que serve?
  • Obradorio 3: Como relacionarnos co noso corpo a través dos sentidos para que nos guste? que facemos co que non nos gusta?

Para o alumnado de 1º, 2º, 3º e 4º de primaria a actividade terá lugar ao longo de 4 obradoiros:

  • Obradoiro 1: ¿Como son as sexualidades dos nenos e nenas?
  • Obradoiro 2: Que é o que eu si quero saber?
  • Obradoiro 3: Como facemos para saber que unha persoa adulta está abusando sexualmente de nós como menores?
  • Obradoiro 4: Como podemos saber que alguén igual a nós nos está tratando dunha forma agresiva/abusiva e nos fai sentir menos?


ESCOLA AFECTIVO SEXUAL PARA FAMILIAS

Estimadas familias,

Tal e como vos contamos na reunión da ANPA, estamos levando a cabo o proxecto “CONPROMETÉMOMOS COA IGUALDADE NO CEIP BEN-CHO-SHEY”, subvencionado pola Secretaría Xeral de Igualdade da Xunta de Galicia.

A escola consistirá en 2 sesións online (vía zoom), en horario non lectivo, de 2 horas cada unha.

Obradoiro 1 (luns 24 de outrubro ás 19:00h) . Como sei eu que sexualidade ensinarlle ás miña crianzas?, que necesita saber?, que medos teño eu?
Nesta actividade falaremos de como entendemos nós que é a sexualidade infantil, de como os medos que temos as persoas adultas determina/condiciona a actitude ante a sexualidade das propias crianzas e que ferramentas podo ter eu como familia para aprender e acompañar.

• Obradoiro 2 (Data por confirmar) . Como acompañar eu á miña crianza para protexela de que sexa abusada sexualmente?, que si podo facer?
Nesta actividade introduciremos ás familias na temática do abuso sexual/violencia sexual infantil. A través dos libros, farémoslles pensar en como se manifesta a violencia sexual nos nenos e nenas de cara a que primeiro de todo saiban que ocorre e segundo que é lóxico que non vexamos como ocorre. Aportaremos ferramentas esenciais para que si desexen, maila que doa, saber un pouco máis sobre este tema tan arduo.

✓ Destinatarias: familias de alumnxs do CEIP Ben-Cho-Shey.
✓ Organizadoras: Xunta directiva da ANPA (responsable) e Hadriana Ordoñez, PSICÓLOGA, SEXÓLOGA, ESPECIALISTA EN VIOLENCIA SEXUAL COLX. 4266-G.

O día anterior á actividade, enviarase a todalas persoas anotadas, por e-mail, o enlace á reunión de zoom.

Inscripción aberta para o primeiro obradoiro, cubrindo o seguinte formulario:


PROXECTO CONSTRUÍNDO IGUALDADE

Pronto dará comezo no Ben-Cho-Shey o proxecto de igualdade que se ven realizando os últimos anos. Unha actividade coordinada pola Anpa e subvencionada e aprobada pola Secretaría de igualdade da Xunta de Galicia, que se fará en horario lectivo os días 17, 19 e 26 de outubro.
Actividades propostas e que levará a cabo María Victoria Canosa, licenciada en psicoloxía e formada en temas de igualdade, violencia de xénero e educación emocional.

Este sería un resumo das dúas actividades que se van facer a través do proxecto de construindo igualdade, con 5º e 6º de EP:

SOBREVIVINDO NUNHA ILLA DESERTA.

Sobrevivir nunha illa deserta necesita de tomar boas decisións e contar con todo o equipo. Monopolizar conversas, impoñer o noso criterio, non escoitar ás outras personas, menosprezar outras opinión diferentes,… son actitudes que non interesan.

A través deste xogo, faremos que nenos e nenas sexan máis conscentes delo e que se saiban importantes nisto de construir igualdade e relacións respectuosas. Ao final faremos propostas reais de boas prácticas para acadar esa igualdade para todas as persoas, empezando polos compañeiros e compañeiras.

WIKIPEDIA DA IGUALDADE

Faremos a nosa propia Wikipedia da igualdade para coñecer conceptos importantes: feminismo, machismo, corresponsabilidade, fracaso escolar, roles de xénero, micromachismos… Sensibilizarémonos con eles a través de coñecer outras realidades menos privilexiadas que a nosa, pondo en valor a educación e a igualdade de dereitos.
#benchomola #construindoigualdade


ACTIVIDADES EXTRAESCOLARES 2022/2023

Un novo ano Anpa BChSh organiza as actividades extraescolares. A oferta é a seguinte:

INICIO DAS ACTIVIDADES: o vindeiro luns 3 de outubro.

INSCRICIÓNS: AQUÍ

DATA LÍMITE para inscribirse venres 23 de setembro 

Na semana do 26 de setembro confirmarase a cada alumn@ a través de circular nas mochilas o día e horario da actividade.

DURACIÓN DAS ACTIVIDADES: De Outubro de 2022 a Xuño de 2023.

GRUPOS: os grupos mínimos están indicados na descrición de cada actividade. En caso de non acadarse o grupo mínimo a actividade podería verse suspendida previo aviso

PAGO DAS ACTIVIDADES

Será de forma trimestral (ó principio do trimestre), mediante o ingreso ou transferencia ó nº de conta da Anpa, informarase puntualmente a través de circular ou correo electrónico de cando facelo.

No caso de non encontrar 


Obradoiros para Xuño no Ben-Cho-Shey

Como sabedes, en xuño xa non hai actividades extraescolares, pero a ANPA lanza 3 talleres diferentes e creativos para gozar os últimos días de cole. Anótate ao que máis che guste!! (Tes ata o 18 de maio e as prazas son limitadas)

– Taller Risoterapia: para nais/pais e nenos, actividade en familia. Actividade para desconectar e liberarche rindo, toda unha terapia.

– Taller Lettering: taller de caligrafía onde aprenderás usar unha serie de útiles de escritura e técnicas básicas de lettering e composición para dar personalidade aos teus textos.

– Taller Scrapbooking: Fabrica un precioso, vistoso e divertido álbum de fotos para as vacacións.

PREZOS E HORARIOS

Só se levarán a cabo os talleres no caso de que se cubra o mínimo de alumn@s: Risoterapia mín. 10 alumn@s, Lettering mín. 9 alumn@ y Scrapbooking mín. 8 alumn@s.

DESCRIPCIÓN

Taller Scrapbooking

INSCRICIÓNS

DATA LÍMITE DE INSCRICIÓN: 18 de MAIO!!

INSCRICIÓN RISOTERAPIA (facer 1 inscrición por asistente)

INSCRICIÓN LETTERING (facer 1 inscrición por asistente)

INSCRICIÓN SCRAPBOOKING (facer 1 inscrición por asistente)


Concurso deseño LOGO ANPA

Buscamos o novo logo da ANPA!!!!

A Anpa lanza un concurso dirixido a todos os nenos e nenas socios, para que propoñan os seus deseños de cómo lles gustaría que fose o logo da Asociación nos vindeiros anos.

A imaxe gañadora utilizaráse en toda a difusión e os materias asociados que poidan xerarse (publicacións, chandal, etc…)

Por suposto haberá un premio ao deseño gañador de 50€ para gastar nunha tenda de deportes local.

O prazo está aberto desde hoxe ata o 8 de maio.

Descarga aquí as bases e leas atentamente para saber os detalles de cómo participar.